2#استفسارات_الزملاء

السلام عليكم

كنت حابب اخد رائيكم وياريت تنصحونى .. مش طالب منكم غير النصيحه بس

انا محاسب فى شركة نقليات فى السعوديه بقالى 4 سنين

بس مش شغال محاسب بمعنى اصح انا اقرب مايكون شئون موظفين

حاجه زى الارشيف كدا بتاع المصالح الحكوميه

زى اى شاب كنت حابب اكون نفسى واسافر وابنى بيتى

بس بعد 4 سنين ما لقتش ليا رصيد خبره

عمرى بقى 27 سنه وانا لسه ما اعرفش اعمل قيود يوميه او قوائم ولا ميزانيات طلبت 

من الكفيل انى انقل كفاله ومش راضى .. انا مش عايزاضيع عمرى اكتر من كدا 

وعايزاشتغل فى مجالى.زمايلى واللى فى سنى الحمد لله اشتغلوا وبقى يعملوا قوائم 

وميزانيات ... جيت هنا على 1800 وعدى 4 سنين وراتبى 2000 حاليا ... وزى ما 

حضراتكم عارفين الحال فى مصر .. الشركة عاممه فيها محاسب واحد وللاسف قريبى 

لما طلبت منه انه يعلمنى او يدربنى ما رضيش بحجه انه ماليش معايا استفاده مش هفيده 

بحاجه ... انا حاليا محتار انا طول ما انا فى الشركة مش هشتغل حاجه غير شئون 

الموظفين وهفرح بالفلوس او بالراتب بس ومش هتعلم حاجه فى حياتى وضاع عمرى 

وغربتى او انى اطلب نهائى وانزل واتعلم من اول وجديد

انصحونى اعمل ايه

وشكرا على الاطاله بس ياريت النصيحه تكون فى اسرع وقت

شكرا ليكم

--------------------------------------------------------------------------------------------

الرد علي السوأل : 

شوف يا سيدي الفاضل

انت هنا محتاج حاجتين....

الحاجه الاولي انك تثبت نسفك في الظيفه لحد ما تتقل تبتدي تدور علي شغل عشان 

الحاجه التانيه...

اولا انت محتاج ترجع للمحاسبه من اول وجديد وتبتدي كاساسيات...فده حله سهل 

وبسيط...معلش استحمل شويه عشان انت بتصلح القطر وهو ماشي فاهم قصدي...بمعني

انك تاخد كورس اساسيات وابحث عن اقرب مكان لك يعلمك اساسيات المحاسبه 

(book keeping) عشان تبقي عارف احنا بنكلم علي ايه....يعني من اول ما 

يجيلك المستند لغايه ما تعد القوائم الماليه...و مع بالتوازي فهم بعض 

المعايير المحاسبيه الاكثر تكرارا في المجال....بعد كده تغير مكان شغلك 

لانك ما تجازفش الا بعض ما تحس انك بقيت واقف علي ارض صلبه في مجالك..

تحياتي

#حنش